Aldo Duscher

Aldo Duscher

Biografía
Nacemento	(es) Aldo Pedro Duscher 22 de marzo de 1979 (45 anos) Esquel, Arxentina (pt)
Altura	174 cm
Peso	72 kg
Actividade
Ocupación	futbolista
Período de actividade	1995 -
Deporte	fútbol
Posición de xogo	Centrocampista
Traxectoria   Equipo 1997–1998   Newell's Old Boys 31 (1) 1998–2000   Sporting CP 55 (6) 2000–2007   Deportivo da Coruña 157 (0) 2007–2008   Racing de Santander 34 (5) 2008–2010   Sevilla FC 37 (0) 2010–2012   RCD Espanyol 19 (0) 2011–2012 → cesión:    Barcelona Sporting Club 7 (0) 2012–2012 Enosis Neon Paralimni 8 (0) 2013–2013 PAE Veria 0 (0)   Selección nacional 1995–1995   Arxentina sub-17 6 (0) 1999–1999   Arxentina sub-20 4 (0) 2000–2000   Arxentina sub-23 7 (0) 2005–2005   Arxentina 3 (0)

Álvaro "Aldo" Pedro Duscher, nado en Esquel (Chubut) o 22 de marzo de 1979, é un exfutbolista arxentino nacionalizado austríaco. Xogaba de centrocampista e foi internacional coa selección arxentina.

Traxectoria

Empezou xogando na Arxentina, en Newell's Old Boys de Rosario entre 1995 e 1998. Durante eses anos tamén conseguiu 2 Suramericanos Sub-20 coa selección do seu país.

En 1998 foi contratado por dúas tempadas polo Sporting de Lisboa, onde conseguiu unha Superliga.

De cara a tempada 2000–01 foi contratado polo Deportivo da Coruña, club no que xogou 142 partidos de Liga e 34 partidos de Liga de Campións até a tempada 2006–07, gañando unha Copa do Rei e dúas Supercopas de España. Neste tempo foi recordado polos seguidores do Manchester United pola súa patada e posterior lesión de David Beckham que case impide ao capitán inglés xogar o Mundial 2002.

Ao comezos da tempada 2007–08 quedou libre e foi contratado polo Racing de Santander por dúas tempadas, despois de numerosas ofertas no inverno, de entre outros o Manchester United e Olympique de Lyon, todas refugadas para acabar xogando no conxunto de El Sardinero.

Marca o seu primeiro gol en Primeira División na súa oitava tempada na mesma, o 9 de decembro de 2007, cunha vitoria do Racing sobre o RCD Mallorca (3–1). Tras arduas negociacións, na tempada 2008–09 Duscher foi contratado, por tres tempadas, polo Sevilla FC. Desde a tempada 2010–11 xoga no RCD Espanyol, tras rescindir o seu contrato co Sevilla.

O 27 de xullo de 2011 anunciouse a súa incorporación ao Barcelona Sporting Club de Guayaquil, en Ecuador.

Selección nacional

Duscher fixo o seu debut internacional coa selección arxentina en 2005, chegando a xogar tres partidos.

Palmarés

Sporting de Lisboa

• Primeira Liga: 1999–00

Deportivo

• Copa do Rei: 2001–02
• Supercopa de España: 2000, 2002.

Véxase tamén

Ligazóns externas

• Datos do xogador en bdfutbol.com (en castelán)
• Datos do xogador en national-football-teams.com (en inglés)